Hafðu samband:

Íslenskir útgerðarmenn krefja Norska ríkið um björgunarlaun

Eftirlitsskipið Draug á leið frá strandstað, en Draug strandaði um miðjan júní 1964, og náðist á flot með aðstoð íslenskra báta og norsks skip. Þarna er hann á milli Arnfirðings RE og norska skipsins Store Knud  ---- Ljósmynd SK

 Ef þú hefur ekki, nú þegar lesið um þetta strand, smelltu þá  hér

Siglfirðingar leita prests

Siglufirði, 7. desember

ALLVÍÐTÆKAR undirskriftarsafnanir eiga sér stað hér á Siglufirði  og er tilgangurinn að óska eftir því við sóknarnefnd Siglu fjarðar, að hún nái sambandi við séra  Kristján Róbertsson., einn af þeim, sem sóttu um Hjallgrímsprestakall, og er nú staddur í  Kanada, og fari fram á það að hann sæki um Siglafjarðarprestakali.

Kristján var prestur hér  fyrir 13-14 árum. Undirskriftarsöfnun þessi gengur mjög vel og sýnir það, að almenningur óskar eindregið eftir  komu hans.

                  - Steingrímur

===========================================

Þessi klausa hér fyrir neðan, bitist í Dagblaðinu Tíminn, í "plássi" Landfara, seinnihluta janúar 1968 og var tilefnið fréttin hér fyrir ofan, til hægri.

Undirskriftasöfnun á Siglufirði

„Siglfirðingur" sendir Landfara eftirfarandi athugasemd við frétt í Morgunblaðinu og er hún  skrifuð 8. janúar. ,;Fyrir skemmstu birtist Mbl. mjög villandi frétt frá fréttaritara sínum á Siglufirði, Steingrími  Kristinssyni, varðandi undirskriftasöfnun til áskorunar á Íslenskan prest í Vesturheimi, um að  sæki hér um prestsembætti. Var gefið í skyn, að hér væri um mjög almennan áhuga og,  þátttöku að ræða og bersýnilega í þeim tilgangi, að freista þess að tryggja fyrirfram, að aðrir  sæktu ekki um embættið og taka þannig valfrelsið af bæjarbúum sjálfum. Undirskriftasöfnun þessi mæltist síður en svo vel fyrir, enda flestir þannig gerðir:  að vilja vita um hvað er að velja áður en valið er, og aðeins lítill minnihluti kjósenda  hér léðu nafn sitt á áskorunarskjalið og að sögn ýmsir undir lögaldri .kjósenda.  Það væri því illa farið, ef þessi furðulegi fréttaflutningur yrði til þess, að koma í veg  fyrir umsóknir ungra og efnilegra presta, sem áhuga kunna að hafa á þessu, á margan hátt eftirsóknarverða brauði. Þessar línur, sem ég vona að þér: ljáið rúm nú þegar í blaði yðar hafa þann tvíþætta tilgang, að  mótmæla endareknum „prestsfréttum" frá Siglufirði í Morgunblaðinu. sem eru því vægast sagt til  lítils sóma, og hvetja unga presta og  prestsefni, sem áhuga hafa á embætti þessu, að hika hvergi  í umsóknum Siglfirðingar kunna því áreiðanlega betur að verja sínum atkvæðum sjálfir, að athuguðu máli,  en láta lítinn hóp - sjálfkjörinna manna ráðstafa sér eins og ómerkingum í þessu máli eða  öðrum.

E.S. Vonandi verð ég, (SK) ekki kærður fyrir ritstuld, þar sem ég birti þetta í óleyfi. Málsbót mín er þó sú að þetta var í raun opið bréf til mín !

===========================================

Undirritaður, svaraði þessu í Velvakanda, Morgunblaðsins stuttu síðar.

Þeir þekkja það sem þeir biðja um.

Steingrímur Kristinsson á Siglufirði skrifar:    Siglufirði 29/1 '68.

Í Landvara (Tímanum) 27, janúar sl. beinir „Siglfirðingur", nokkrum orðum til mín.

Ekki veit ég hver  maðurinn er Því hann virðist ekki hafa kjark til að láta nafns síns getið. Bréfritari setur út á fréttaflutning minn varðandi „presta fréttir", eins og hann nefnir það. Og  er hann reiður yfir að ég skyldi telja undirskrimtasöfnun varðandi séra Kristján Róbertsson  ganga vel. Ég vil endurtaka að ég álit umrædda undirskriftasöfnun hafa gengið mjög vel.

Alls  söfnuðust um 400 undirskriftir, en um 40 voru síðar strikaðir út, þar sem þeir annaðhvort voru ekki í  Siglufjarðarsókn, eða of ungir, en skýringin á því fyrirbrigði er það, að einn listinn lá frammi í  verslun og var þar ekki fylgst nægjanlega með hverjir skrifuðu þar, undir.

Á aðeins tveim dögum  skrifuðu 360 lögmætir kjósendur undir umrætt skjal. En vegna misskilnings var aðeins safnað í  tvo daga, og fyrir vikið gátu færri en vildu skrifað undir.

Bréfritari mótmælir einnig harðlega endurteknum „prestfréttum" sem hann nefnir, frá Siglufirði í Morgunblaðinu.

Er mér spurn. Vill hann ekki láta Mbl. birta fréttina, þegar séra Kristján Róbertssyni verður veitt  Siglufjarðarprestakall? Vill hann láta eitthvert annað blað sitja að fréttinni? Eða meinar hann að  prestar, séu svo guðdómlegir að ekki megi segja frá gerðum þeirra?

Og að lokum þetta: Þótt þú, sem ekki þorir að sýna framan í þig, sért mér ekki sammála þá  finnst mér ekkert athugavert við það þótt (a.m.k.) 360 Siglfirðingar óski eftir ákveðnum presti.  Þeir þekkja að minnsta kosti það sem þeir eru að biðja um. Þessir 360 kaupa engan kött í  sekknum. -- Steingrímur Kristinsson Siglufirði

===========================================

Slæmt atvinnuástand á Siglufirði.

Siglufirði, 1. desember.

MJÖG alvarlegt atvinnuástand er n,ú hér á Siglufirði og þeim  fjölgar, sem misst hafa atvinnu sína.

Um 120 manns eru, skráðir atvinnulausir og er stöðugt að bætast við þá tölu.

M,a. hafa síldarverksmiðju ríkisins hér  fækkað við sig verkamönnum og þann 1. desember bættust enn við 17 eða 18 verkamenn.  Meðal þessara verkamanna eru menn, sem verið hafa „fastráðnir" til þessa, allt árið, undanfarin ár og  eru ástæður fyrir uppsögnum hjá SR sagður fjárskortur, eins og getið er í uppsagnarbréfunum.

Aðeins  örfáir verkamenn munu starfa hjá SR eftir áramót.

Óvíst er hvenær tunnu-verksmiðjan hefur störf.

Niðurlagningar verksmiðja SR á ekki til hráefni fyrr  en eftir tvo til þrjá mánuði og liggur starsemi hennar nú niðri.

Slæmar gæftir hafa verið  fyrir línubáta og stopul vinna í frystihúsinu.

Haförninn liggur hér við bryggju og hefur öllum  óbreytum skipverjum verið sagt upp starfi frá og með 10. desember sökum verkefnaskorts. -    S. K.