Hafðu samband:

“Heimasætur” á  Haferninum

VIÐ fengum mynd þessa senda frá Steingrími fréttaritara okkar og ljósmyndara á  Siglufirði, en hann er eins og kunnugt er skipverji á síldarflutningaskipinu Haferninum,  úti á síldarmiðunum  við Jan Mayen.

Segir hann í tilskrifi hingað, að þetta séu “heimasæturnar” um borð í Haferninum.  Þessi brosmildu andlit, eiga mestu fjörkálfarnir um borð í skipinu, en það eru  rafvirkinn Snorri Jónsson og dælumaðurinn Valdimar Kristjánsson.

Þeir hafa þarna  "klætt" sig í allskonar tuskur til að hressa aðeins upp á fjörið um borð." Og við  þökkum fyrir og fullyrðum að "heimasæturnar" eru engar fiskifælur, en gott væri, ef  þeim tækist að lokka síldina svolítið nær landinu.