Hafðu samband:

Ísuð síld söltuð á Siglufirði

Togarinn Víkingur kom af  Svalbarðamiðum með síld, sem fór  næstum öll í  söltun

Siglufirði 8. ágúst.

UM FIMLEYTIÐ í gær-morgun kom til Siglufjarðar togarinn Víkingur með  240 lestir af ísaðri síld og fór mest af aflanum í söltun. Er þetta fyrsta síldin,  sem söltuð er í Siglufirði í sumar og menn að vonum mjög ánægðir. Einnig  má geta þess, að mikil bjartsýni ríkir um, að haldið verði áfram þeirri  tegund síldveiða sem Víkingur stundar.

Fréttaritarar Morgunblaðsins á Siglufirði sögðu í gær, að Víkingur hefði  komið með 90 lestir af sjö sólahringa gamalli síld og 150 lestir af þriggja sólar-hringa gamalli síld og hefði allur aflinn verið ísaður um  borð.

m borð í Víkingi er ný tegund af vél, sem framleiðir ís úr sjó og var gengið  frá síldinni í kössum með þessum ís.

Í eldri hluta aflans virðist sem ekki hafi verið  nógu vel gengið frá síldinni í kössunum og var hún því ekki öll hæf til söltunar. Hins  vegar var nýrri hlutinn allur jafn og góður og reyndist ágætlega til söltunar að dómi  fagmanna.

Um kl. 20 í gærkvöldi hafði verið saltað í 600-700 tunnur og bjuggust menn við að úr skipinu mætti fá í allt að  700-800 tunnur.

Löndunin stóð yfir í allan gærdag og það eina,sem skyggði á  ánægju síldarstúlknanna, var hve vel þær höfðu undan. Fréttaritari blaðsins hefur  það eftir Þóroddi Guðmundssyni, verkstjóra hjá Sigló-síld, að síldin væri nær  átulaus, um  34 sm löng að meðaltali og um 20 %. feit.

Er Þóroddur, eins og allir  aðrir á Siglufirði, mjög bjartsýnn um áframhald þessarar tegundar síldveiða. Síldin  er söltuð á söltunarstöð Haraldar Böðvarssonar og Co en Sigló-síld mun síðan  leggja hana niður í vetur. Ekki fengust í gær upplýsingar um, hvort þessi útgerð á Vik ingi skilaði  hagnaði. Sögðu menn ekki unnt að tala um peningahliðina að svo stöddu, tíminn  yrði að skera úr um, hvort þetta borgaði sig. 

SK / Stefán

==============================================

Haförninn í Hammerfest

Siglufirði, 15. ágúst.

HAFÖRNINN er norður í Noregi að sækja vatn og olíu fyrir síldarflotann, í Hammerfest  á 71°.og leggur væntanlega af stað þaðan um hádegi á morgun, en skortur er á hvoru tveggja á miðunum, og styst að sækja til Noregs. Leiðinda  bræla og síldarleysi er á miðunum.

- Steingrímur.

==============================================

Tolldi ekki við festar 

Siglufirði, 30. ágúst.

HÉR hefur verið aftaka veður í dag. Síldarflutningaskipið Nordangardur kom hingað. um kl. 9 í morgun en varð að  leggjast út á fjörðinn vegna veðurs, - Það tolldi þó ekki í ankersfestum þar og varð  að fara út í fjarðarmynni, þar sem það heldur sjó.Lítil síld er um borð í því.

- Steingrímur.