Verksmiðjurnar bíða - landað í Haförninn

FYRSTU síldinni var landað á Stöðvarfirði i fyrrakvöld. Vélbáturinn Gígja frá Stöðvarfirði kom með síldina af miðunum og fór hún öll í bræðslu. Að sögn frétta Morgunblaðsins á Stöðvar-firði, gaf síldin af sér óvenju mikið lýsi.

Árni Gíslason er skipstjóri á Gígju,og má geta þess að hann kom einnig með fyrstu síldina í fyrra og þá einnig til Stöðvarfjarðar. Bræðsla stóð yfir í alla fyrri nótt og var henni lokið í gærmorgun.

Gígja hélt áfram á miðin og verksmiðjan bíður eftir meiri síld. Svipaða sögu mun að segja um aðrar síldarverksmiðjur á Austfjörðum, en nú munu bátarnir á miðunum landa um borð í Haförninn, sem þar er staddur. Auk Hafarnarins var síldarflutningaskipið Síldin á leið á miðin í gærkvöldi.

Fréttaritari Morgunblaðsins um borð í Haferninum skýrði frá því í gær, að um kl. 6.45 f.h. hafi verið byrjað að lesta síld úr Neskaupstaðarbátunum Barða og Bjarti og hafi afli þeirra verið um 500 tonn.

Lestunin gekk vel og hélt Haförninn lengra til norðurs um kl. 11. Nærri 2O bátar munu vera á miðunum við Bjarnarey eða á leið á miðin.

====================================================

Haförninn Hefur tekið við 1375 tonnum

Haferninum, 11. júlí.

Óhagstætt veður og lítil veiði í gær.

NORÐVESTAN kaldi var á miðunum í gær og í dag og nær engin veiði. Baldur EA og Heimir SU fengu þó 20 tonn hvor í fyrrinótt.

Í nótt fékk Helga II ER 20 tonn og Kristján Valgeir 30 tonn og losa þau í salt í Elisabeth Hentzner. Um 1375 tonnum hefur nú verið lestað í Haförninn.

Hér eru rússnesk, norsk, þýsk, og íslensk síldveiðiskip allt í kring. Eru íslensku skipin 32 að tölu. Flotinn heldur sig á svæðinu frá, 76.° að 77.15° norður-breiddar og 9° austur lengdar.

Fyrir skömmu var haft samband við vesturþýskt sjúkraskip til að koma til hjálpar íslenskum sjómanni, sem slasast hafði lítillega um borð í einu síldveiði-skipanna.

-Steingrímur.

====================================================

Haförninn landar síld

Siglufirði, 16. júlí.

Haförninn kom hingað í morgun með fyrstu síldina, sem hingað berst í sumar. Er skipið kom hingað, um kl. 5 í morgun hófust smávegis lagfæringar á því, en síðan var tekið til við að landa síldinni, sem var 3229 tonn og .921 kíló. Síldin fer að sjálfsögðu öll í bræðslu og er það Síldarverksmiðja ríkisins (SR 46), sem tekur við henni. Löndun hefur gengið vel og er búist við, að Haförninn fari aftur út með morgninum.

Steingrímur.

====================================================

Síldarbátana skortir vatn

Skeyti frá Haferninum kl. 20:22, 22 júlí.

Lögðum af stað heim, kl. 14 með 3345 tonn. Aflahæstu skipin hér eru mb. Gígja og Kristján Vallgeir með 1300 og 1200 tonn.

Það hefur komið í ljós að flutningaskipin anna ekki vatns-þörf bátanna og fimmtíu báta-skipstjórar hafa farið þess á leit við Skipstjórann á Haferninum, að í næstu ferð komi hann með 600 tonnum meira vatn en venjulega. Fimmtíu og fimm íslensk veiðiskip eru nú á miðunum.

Steingrímur.