Hafðu samband:

Fréttasíður.

Fréttamyndasíðurnar innhalda tímabil fréttaljósmynda sem ég hefi tekið þátt í að koma á framfæri, sem birt hefur verið í hinum ýmsu blöðum og tímaritum.  Þetta er gamalt fréttaefni aðalega tengt Siglufirði og gang mála þar á tímabilinu 1961 - 1976

Fyrsta fréttaljósmyndin mín birtist í Alþýðublaðinu 29. nóvember 1961, síðan heimablöðin, árið 1962 var ég fastráðinn fréttaljósmyndari hjá Dagblaðinu MYND frá upphafi til loka, sem því miður var blað sem ekki náði almennri hylli í strangri samkeppni en "MYND" lagði áherslu á myndbirtingar og stuttan texta með viðkomandi fréttamynd, síðan dagblaðið Tíminn, en árið 1963 var ég fastráðinn hjá Morgunblaðinu þar til hagir mínir breyttust og ég hafði ekki lengur þann tíma aflögu sem þurfti til að skila verkefninu eins og ég hafði kosið, en frétta ljósmyndun "lauk" 1976.

Allar ljósmyndirnar koma fyrir á heimasíðu minni í svipuðum stærðum +/- eins og í frumbirtingu í blöðunum. Textinn er skannaður og umbreytt í texta með "OCR hugbúnaði" þannig að textinn á að vera sá sami og í frumbirtingu, nema núverandi stafsetning er notuð, það er ekki er notast við bókstafinn "z" eins og venja var á þessum tíma ofl.  Fram koma textar með myndum, hvort heldur þeir eru mínir eða annarra fréttamanna og eða blaðamanna. Viðkomandi aðila er þá getið, þegar texti þeirra tengist myndum mínum á einn eða annan hátt. Þá er og á mörgum stöðum ljósmyndir sem teknar voru í tilefni fréttanna, en ekki birtar í Morgunblaðinu og eru tenglar til þeirra merktir "Fleiri myndir"

Grein  Mbl.v.birtingar.  Þetta er grein sem birt var í Morgunblaðinu 28. apríl 2000, vegna umræðu á þeim tíma, þar sem raddir heyrðust frá þeim "sem öllu vilja ráða" varðandi birtingu á mannamyndum opinberlega.

Góð ráð: Þar sem Myndir á fréttasíðunum eru ekki með svokölluðu "Thumnail" sniði, þá tekur lengri tíma að sækja síðurnar. Ráðlagt er að sækja þann  fjölda síðna sem áætlað er að skoða í senn 3-4 síður í einu, til dæmis. Ekki eyða tímanum á netinu við að lesa þær strax, heldur sækja fyrst ákveðin fjölda, það er full sækja hverja síðu fyrir sig, hverja á fætur annarri. Einnig er gott ráð að færa músbendil upp að þeim hnappi sem á að opna, smella einu sinni með hægri músahneppi, þá fellur niður gluggi, þar skal smella með vinstri músahnappi á "Open Link in New Window" á kemur upp nýr skjár og fyrri skjárinn helst opinn, þannig geturðu safnað saman eins mörgum "gluggum" og minni tölvu þinnar lofar. Svo geturðu slökkt á nettengingunni og skoðað síðurnar í ró og næði án þess að eyða peningum í símakostnað vegna nettengingar á meðan.