Hafðu samband:

Karlakórinn Vísir 40 ára

Karakórinn Vísir hélt upp á 40 ára afmæli sitt með afmæliskonsert í Nýja Bíó,  laugardaginn 18. apríl sl. Áður en kórinn hóf sönginn, flutti Jóhann Jóhannsson, skólastjóri, hátíðaávarp og síðan söng kórinn : Ég vil elska mitt land.

Söngskráin var mjög fjölbreytt, af íslenskum og erlendum lögum, þar af nokkur útsett af  söngstjóranum, Gerhard Schmidt. Söngnum Var mjög vel tekið af áheyrendum, og  mörgum Siglfirðing hlýnaði um hjartarætur við að heyra hinn þróttmikla og fagra söng,  því það eru allmörg ár, síðan Vísir hefur sungið svo vel. Einsöngvarar voru Guðmundur Þorláksson og Sigurjón Sæmundsson.

Fjörutíu og einn söng nú í kórnum, á öllum aldri. Sumir búnir að syngja með kórnum í 40 ár, aðrir  fáa mánuði.

Tuttugu og sex hljóðfæraleikarar aðstoðuðu kórinn seinni hluta söngskrárinnar, og tíu konur sungu  með í 2 síðustu lögunum, sem voru óperukórar eftir Verdi, sem stjórnað var af Vincenzo  M. Demetz.

Allt þetta fólk, 76 manns, auk söngstjóranna tveggja, á þakkir skyldar fyrir  ógleymanlega ánægjustund.

Þá eiga söngstjórarnir, Gerhard Schmidt, núverandi söngstjóra Vísis, og raddþjálfarinn,  Vincezo miklar þakkir skyldar fyrir frábært starf unnið í þágu Siglfirskar söngmenntunar.

Karlakórinn Vísir var stofnaður í janúar 1924, og fyrsti söngstjóri og aðal hvatamaður  að stofnun kórsins, var Halldór Hávarðarson, en söngstjórar .kórsins hafa verið fimm, þar  af Þormóður Eyjólfsson lang lengst, eða um 24 ára skeið, og undir stjórn hans var kórinn  með bestu, kórum landsins og fór þá margar söngferðir víðs vegar um landið.