-Notið leitarvélina, til að leita af nafni eða streng. Sem dæmi; skrifirðu Sigurður SI 90 og merkir við "Eins og skrifað" þá finnur vélin skipið Sigurður SI 90
-Margar myndir á þessari síðu eru gerðar eftir glerfilmum og öðrum filmum á formunum 10x15 sm. til 13x18 sm. Sumar eru þó þessar myndir hreinar eftirtökur, (gamlar) eftir misjafnlega góðum frummyndum og bera þær þess flestar merki. Flestar eftirtökurnar svo og fleiri myndir á síðunum voru teknar af Kristfinni Guðjónssyni ljósmyndari frá Siglufirði, á árunum 1930 - 1954. Sjálfur hefi ég tekið mikið af skipamyndum bæði frá landi og frá sjó á þeim tímum sem ég stundaði sjómennsku og fyrr.
Flestar myndirnar þola talsverða stækkun á ljósmyndapappír og eða tölvuprentun og eintök eru til sölu sem og aðrar myndir eftir filmum mínum.
Ég mun að öllu forfallalausu, bæta við myndum á síður mínar jöfnum höndum sem þær koma fyrir vegna skráningar minnar á safninu. Um 30-50 myndir eru á hverri síðu, myndir sem teknar hafa verið við ýmis tækifærið.
Það er eindregin ósk mín til þeirra sem þekkja báta og skip sem ekki bera nafn á þessum síðum mínum, sendi mér upplýsingar um rétt nöfn svo ég geti skráð þau við viðkomandi myndir.
Ábending: Mjög góðar almennar upplýsingar (þær bestu) um íslenska báta og skip eru í bókunum hans Jóns Björnssonar "ÍSLENSK SKIP" 4 bindi sem gefin voru út árið 1990 og fást hjá höfundi, sími: 551-2228
Vinsamlega látið sem flesta vita af þessum síðum.
