Fyrstu skrifaðar heimildir um Bíó-hús eru frá 20 janúar 1917 í blaðinu Fram, en þar er talað um vonbrigði vegna Grímudansleiks sem fram fór í "Bíó" ekki er frekari grein gerð fyrir húsinu, né hvar þetta "Bíó hús" var staðsett. - Þá er einnig getið um "Bíó" í tengslum við stofnfund Ungmannafélags, en Guðmundur Skarphéðinsson kennari boðaði til hans með greinarkorni þann 20. maí 1917, einnig í blaðinu Fram
11. mars 1918, í dálknum
Bæjarfréttir:
Leikfimisal Barnaskólans, hefur
hreppsnefndin leigt Jens Eyjólfssyni
kaupmanni hér til kvikmyndasýninga. Er
ráðlegt að það taki til starfa strax í
sumar.
_____________________________________________________________
Frétt á forsíðu 29. júní 1918
Nýja Bíóið.
Nú er verið að byggja skúr úr steinsteypu við endann á leikfimishúsinu til
þess að setja í vélar þær, er nota skal við hinar fyrirhuguðu
kvikmyndasýningar hér.
Er skúrinn nokkuð nærri götunni, en það gerir ekki svo mikið til, því fyrsta
lagi mun það ekki koma í bága við byggingasamþykkt Siglufjarðar, hún er ósköp
þægileg og góð viðureignar og í öðru lagi munu menn ekki ybbast mikið yfir þó
einhver óþægindi yrðu af þrengslum við götuna, svo er gleðin og ánægjan mikil
hjá mörgum yfir að hafa fengið þennan nýja útgjaldapóst --
kvikmyndasýningarnar -- í bæinn.
Við erum framfarafólk Siglfirðingar og alveg rétt af okkur að láta það sjást,
að við hvorki þurfum né viljum spara neitt við okkur, þó allur heimurinn
stynji undan þunga stríðsins.
En hvert mál hefur tvær hliðar. Leigan sem
hreppurinn fær eltir leikfimishúsið er ekki smá Átján hundruð krónur á
ári En hvaðan koma þær? Koma þær ekki úr vasa fólksins er býr hér og
þurfa ekki þeir sem húsið leigja að fá margfalt fé til þess að geta borgað
þessa háu leigu?
Með því að leigja leikfimishúsið hefur hreppsnefndin lagt 1800
kr.ársskatt á bæjarbúa, í þrjú ár sem gengur í hreppssjóð En hún hefir
jafnframt lagt á bæjarbúa þann skatt sem innifelst í ágóða þeirra manna sem
húsið hafa leigt og fyrir fyrirtækinu standa og hann verður ekki lítill,
reynslan hefur sýnt að kvikmyndafélögin hafa grætt stórfé um allan heim.
Aðrar eins ráðstafanir og þessar eru víðsjárverðar þegar
litið er á þetta mál í fullri alvöru þá.virðist svo sem full ástæða hefði
verið til að reyna að hindra að þetta fyrirtæki fengi fótfestu hér fyrr en
eftir stríðið.
Hér skulda menn hreppnum lífsnauðsynjar fyrir
þúsundir króna og geta ekki með hægu móti borgað, þó er ekkert gert til að
fyrirbyggja ný útgjöld, heldur þvert á móti stuðlað að því, að
möguleikar séu fyrir menn að eyða sínu fé til óþarfa.
Vonandi er, þegar byrjað verður að sýna hér kvikmyndir,
að eftirlit verði haft með að ekki verði sýndar siðspillandi myndir, þær
eru til og geta haft óútreiknanlega áhrif. H.J.
_____________________________________________________________
Fram, 20. júlí 1918, í dálknum
Bæjarfréttir:
Bíó.
Nú er langt komið útbúnaðurinn við bíóið hér og
verða byrjað sýningar mjög fljótlega. Eru 2 menn komnir hingað úr
Reykjavík er að því vinna.
