Hafðu samband:

AFMÆLISRABB

Karlalkórinn Vísir heldur hátíðlegt 40 ára afmæli sitt með konsert í Nýja Bíó,  laugardaginn 18. apríl kl. 5 e.h. Af þessu tilefni snéri Neisti  sér til formanns kórsins, Sigurjóns Sæmundssonar, til þess að fá upplýsingar um helstu atriði varðandi þetta afmæli.

- Hefur karlakórinn Vísir starfað hér í 40 ár ?

- Já, kórinn er stofnaður í janúar 1924, svo konsertinn ber ekki alveg upp á  afmælisdaginn. En það er staðreynd, að Vísir er búinn að syngja fyrir bæjarbúa í 40 ár,  væntanlega öllum til ánægju, bæði áheyrendum og söngmönnum. Einnig má segja, að Vísir hafi borið hróður Siglufjarðar út  um landið, .því kórinn hefur farið margar söngferðir og oft verið sungið með miklum  glæsbrag.

- Hafa verið margir söngstjórar á þessu tímabili ?

- Þeir hafa verið einir fimm fyrsti stjórnaði kórnum aðal stofnandinn, Halldór  Hávarðarson og tók Tryggvi Kristinsson við af honum. Rétt fyrir 1930 tók Þormóður  Eyjólfsson við stjórn Vísis og var hann stjórnandi og aðaldrifkraftur í allri starfsemi  kórsins í samfellt 24 ár.

Fór Vísir þá í margar söngferðir um landið þvert og endilangt, og var þá, og er enn  talinn í röð bestu karlakóra. Árið 1952 tók Haukur Guðlaugsson við söngstjórn, en hans  naut ekki við, nema í þrjú ár, en þá fór hann utan til framhaldsnáms í tónlist, árið 1955.  Eftir það kom nokkur lægð í starfsemi Vísis, vegna þess að ekki tókst að fastráða söngstjóra til að halda, uppi reglubundnu söngstarfi. En Vísir hefur þó á tímabilinu frá 1955  komið fram við ýmis tækifæri, undir stjórn Páls Erlendssonar, Sigursveins D.  Kristinssonar og dr. Róberts A. Ottóssonar.

- En hvað segir þú um starfsemina að undanförnu?

Um starfsemina að undarörnu verð ég að segja það, að þau 29 ár, sem ég er búinn að syngja í Vísi, hefur aldrei verið æft af meira kappi, og áhugi og sönggleði söngfólksins er alveg sérstök Við vorum svo heppnir að ráða sem söngstjóra í haust, Gerhard Schmidt, skólastjóra Tónlistaskólans. Hefur hann unnið að söngstjórastarfinu með  dæmafráum dugnaði, og m.a. sett út um helming þeirra sönglaga, sem nú eru á  söngskránni Þá tókst okkur að fá Vincenzo M. Demetz til að þjálfa söngfólkið, og er hann  vafalaust .besti söngkennari, sem völ er á, hér á landi. Vegna starfsemi þessara manna  og auðvitað einnig vegna áhuga og dugnaðar söngfólks og hljóðfæraleikara, verður nú  hægt að bjóða, Siglfirðingum að hlusta á afmæliskonsert, sem vafalaust mun verða  mörgum minnisstæður.

Gerhard Schmidt núverandi stjórnandi Vísis

Vincenzo M. Demetz raddþjálfari Vísis